كان يوم اغبر يوم مادخلت رياض اطفال

h0t-Ch0c0lat 的个人资料♥˚◦ Hot Chocolate ◦˚♥照片日志列表

10月1日

كان يوم اغبر يوم مادخلت رياض اطفال

صراحتن ودي اسوي نفسي كاتبه لو مره وحده واكتب باسلوب جدي << ميب عاقله حمد الجاسر

بما اني منحره من جوا وبنفجر الا شوي ومابيدي شي الا اني اشكي لوسادتي على قولت واحد يقولون انه نواف مع انه ماظنتي << شطحه عن الموضوع

السالفه ومافيها ان الموظفات اللي يتوظفون بمدرسه ((اهليه)) مكروفات كرف ( الحمير ) للاسف واقع صحيح
المدرسه الاهليه تحاول بقد ماتقدر تحلل المعلمه عندها
من زين رواتبكم الحين ياوزاره الداخليه
وبما اني جيزي جيزهم بس مانيب منهم
انكرف مثلهم ويمكن اكثر
على الاقل هم عندهم رواتب واحنا مسكتينا بمكافأه الجامعه

احد المواقف اللي صارت اليوم مثلا
السبت 27 شعبان
اللي الين الحين اقول في نفسي بسببها ليش ماغبت !!!؟
المبزره عندهم رحله لملاهي سوبر ماركت
وماعرفته الا يوم رحناله
يعني فيه الف واحد احسن ليش مودينا هنا ؟؟؟؟؟؟
عمر السدحان للملابس اللي بقريح
قصدي بخريص ومدري بعد خريص والا مو خريص المهم عند خريص
احنا 4 معلمات علينا نقسم 27 شيطان قصدي بزر علينا
مدري وش الله قردني وجلست انقي
انا اكتشفت اني احب الحالات المستعصيه
خذت 7 ثلثهم فاهي ثلثهم اصمخ ثلثهم ماتدري وش وضعه

وخذ ياصراخ ونفاخ وتدليع وتحبيب وترييش وانا انتظر نفسي متى ينفجر بركاني لكي التهمهم واحدن واحدن << مايمديكم ع الفصيح اببببببد
اللي يبي حلاو واللي يبي زحليقه واللي يبي سياره واللي يبي قرعتي تطير

بعدين معاي واحد يموتني ضحك كل ما اعصب واسمع كلامه تروح التعصيبه هو سعودي بس امه سوريه وهات ياشخابيط مو كلام
معلمىىىىى شو هيي البراادي يعني يامعلمه وش هي البراده
معلمييي بدي رووح للزحليطاااا
لووووووووووووووووووول
المصيبه ان كل المعلمات مستبثرينه مدري ليش

و من لعبه للعبه لمويه لكف جا وقت الترامبولين (( نطيطه) وطقتني ام العبيد وقالت لي ياعله ارجعي لايام البزرنه وروحي نططي معههم
واطب بالترامبولين وانطط الين حسيت راسي صقع بالسقف وقلبي قام ينزل في سيقاني ويطلع بعيوني من الحماس وبما ان الحظ يفتح النفس مرررره مالقت معلمه الفصل تقول وقت الاكل علشان بعد شوي بنمشي الا يوم استانست وقمت اطامر

رحنا نوكلهم وحاطين لهم كرواسون وواحد من الاباليس يقولي مابي اكل طبعا هذاك الولد بس ودي تسمعون صوته
لان صوته لحاله آآآآآآفه
يقولي ماااااابي اكل ما احب النقيطات وانا متنحه وش نقيطااات
اكتشفت انه بالاخير السمسم

وطلعنا وركبنا البااص
وانا ودي انحاش واشب فيه من القهر
ووحده رااايقه معنا تقولي شووفي واحد شكله حلو بماانها متغطيه وانا ((..)) تحسب اني بشوف احسن منها مادرت اني زرقاء اليمامه بس بالعمى مو بالشوف الصح
ويوم شفته اللهم لك الحمد بغيت اخذ شطنتي واوقعها بين عيونها عشان تشوف زين
لعنبوا دارك انتي فاضيه لو اننا مروقين ناظري بكيفك بس ماظنتي فيه روقان بعد هالقرود
ولو انه زين برضو ناظري على كيفك بس الظاهر من الفره اللي براسها قامت تشوف بالشقلوب

رجعنا للمدرسه ويالله وش قد كان الطريق طوييييييييل
خليت المبزره بالفصل ورحت غرفه المعلمات رميت عبايتي وعفشي ورجعت الفصل انسدحت بوسطه وانا اقول بنفسي ابن ام امه يقولي شي
طبعا بعد ماصفقت 3 حبات بنادول تعدل المزاج
اترك لكم التعليق مع اني ما احس اني حطيت حرتي بالكتابه
لاني احس الوضع ماينوصف
بس انتم تخيلوا انكم تركضون ورا 7 مبزره معجونين بمويه شياطين ومايسمعون لا بصراخ ولا بنفاخ
وقتها يمكن تعرفون الوضع المأساوي اللي اعيشه

واليكم بعض الصور للاطفال المماليح

طبعا فيه فايل كامل كله لهم وخاص بالرحله

طسو الله لايهينكم شوفوه

وبرضو اقول كان يوم اغبـــــــر يوم دخلت رياض اطفال
يالله تصبحون على خير

14:39 | 写入日志

若要添加评论，请使用您的 Windows Live ID 登录（如果您使用过 Hotmail、Messenger 或 Xbox LIVE，您就拥有 Windows Live ID）。登录

还没有 Windows Live ID 吗？请注册

	احلىىىىىىىعيون1 发表: hiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii يعتيج مليون عافية سبيس حلو وفية مواضيع احلى اسمحيلي اضيف سبيسج بلمفضلة عندي واتمنى تنورين سبيساتي الاثنين بزيارتج سي يوووووو باي باي 12 月 3 日
	BN ee DR 发表: شوقليطه هههههههههههههههههههههههههههههههههههههه اما ما احب النقط شكل ذا بحياته ماشاف سمسم ... هههههههههههه شكلك قعدتي تشيلينها خخخخخخخخخ لا من جد الله يعينكم ويصلح هالمبزره بسسس وشدي حيلك تراك مربية اجيال انتي واللي معك خخخخخخخ امحق > بينجلد 10 月 17 日
	امطرت 发表: خخخخخخخخخخخخخخخخخخخخخخخخخخ وربي مت ضحك على يقولي ماااااابي اكل ما احب النقيطات وانا متنحه وش نقيطااات اكتشفت انه بالاخير السمسم خخخخخخخخخخخخخخخخخخخخخخخخخخ ذكرتيني مره رحت لحفل تمهيدي لمدرسه وحده من جماعتنا ارسم على وجيه البزارين وربي انواع التعليقات تطلع فلللله تبادلين؟؟ 10 月 17 日
	عبدلله ولد ابو عبدالله 发表: السلام عليكم ورحمة وبركاته اول شي مبروك علي هالسبيس الظريف الطيف الخفيف ثاني شي وبعد اطلاعي علي القصة الممتعة الي فووووق وتعرفي علي حالة القرف وللطفش الي تمرين فيها من هالبرزاين الله يصلحهم ويخليهم لاهلهم...ويخليهم لك بعد :) وش كنت ابقووووووول .........اييييييييه اقوول قررت اني اساهم..في تحليل المشكله لعلنا نصل الي حل يمكن يخفف من حااله الطفش عندك اقووووووول وبالله التوفيق << مااايمديكم علي هلاسلوووووب المهم ...انا حللت الموضوع فسيلوجيا وسيكلوجيااااااااااا وايضااااااا...ميكانيكاااااااااا...وكهرابااااائيا الحيققه لقيت المشكله.....فيزايااااااااااااائيه!!!!! نعم بصراااااحة المشكله فيزيائيه ووو فيزيااائيه فقط!!!!!! تقوووولون كيف ...؟؟؟ انا اقووووولكم كيف..... النظريه الفيزايئيه تقوووووول... القطبان..المتشابهان..يتنافراااان.. والقطبان..المختلفاااااان...يتجاذبااان وأنا لاحظت..انك وهالبرزاااااين قطباااان..متشابهااااان نعم...نعم....بل...ااااااااالف نعم <<< برضووو ما يمديكم علي التعاااااابير لا تستغرربوووووون...كلامي..لانه كلام علمي دقيق بس لا تفهمووووووووووني غلط... انتي...تتشابهين..معهم..في المرح..والطيبه..والبراءه... وخفة الدم وبعد فيه شي ثاني...بس نسيت وشوووووو طبعاااا فيه اختلافات..كثيره بينك وبينهم... بس ماقدر..اقووووولمهم..من كثرهم :) ملاحظة..بسيطة.. وشي رياض الاطفال..الي تدرسين..فيهااا علشان..اقوووووووول...لكل الي اعرفهم... لالالالالا تسجلون..عيالكم..فيهااااا... :) ماهب علشان شي...ولله بس علشان..ماازيدك...غثااااااا..علي غثاااااااك وش بقى ..اقووووووووله.. ولاتدرين.......الظاهر..يكفي...قرقررررر هذااااا وتقبلي تحياتي.. wham4321@hotmail.com 10 月 12 日
	lol 发表: :p 10 月 4 日
	najdyat-hom 发表: شكليييييييطه الله ياخذ بلييييسك وراااه تحطمينن ياخيييه حرااام عليك هذا بدل ماتقولين كلام يشجع باقي ترم واصير مثلك :"( الله يعييييييين بس بيشيب راسي ورا المراكككض والله انا اخاف اجيب الخيزرانه من اول يومم <<<اقولك هم يقدرون يطردوننا؟؟؟ يالله الله لنا بس نشوفك على خيير والله يعينك ويعيننا ان شالله 10 月 3 日
	Die4ourQATAR 发表: الله يعينك هذا وهم طلاب في المدرسه ... أجل لو هم عيالك وش بتسوين ؟؟ على العموم .. بتعودين عليهم ان شا الله مثل ما انا تعودت على الثنين اللي عندي (عيالي) اتمنالك التوفيق معاهم ..... والصبر زين )~ 10 月 2 日
	ريهام 发表: ههههههههههههههههههههههههههههه حقك وتستاهلين ما جاك يا قمر امممممممممممممممممممممواه 10 月 1 日

引用通告

此日志的引用通告 URL 是：

http://chocolat00.spaces.live.com/blog/cns!677632818E9182!835.trak

引用此项的网络日志

日志

كان يوم اغبر يوم مادخلت رياض اطفال

评论 (8)

引用通告